وقفت ساكت فى موقف مينفعش فيه الا السكوت
وقفنا نتفرج واحنا مذهولين
كنت بتفرج على حلم افتكرت انه بداية جديدة
بس للأسف حلمى كان بداية جديدة لكابوس مش جديد
كان كل حلمى انى احس اننا اتجمعنا ولو مرة
حلمى البسيط اتحول لكابوس
كابوسى كان حاجز مش عارف اعديه
صوتنا مش مسموع ومفيش غير السكوت
واللى قدر يعدى مش قادر يقول
سكت الكلام جوانا خلاص
هدووووء شق السكون وكسر حلم كنت بتمناه
بجد مش هقدر اوصف
بس محتاج اقول ان الحلم كان بداية الكابوس
هناك ٦ تعليقات:
ذاكر بذمه يا شيكو
عايزين تقدير
قدها و قدود
اللهم وفقه و وفق ابناء المسلمين
ايه يا عم التصييح ده؟ مصر كلها عرفت انى مش بذاكر والحمدلله
يابنى والله بذاكر بس فى الهدوء كده بالليل فى المتأخر اذاكر والدنيا هدوء وبالمرة ميفوتش وقت كبير قبل الامتحان اصل اخرى ساعتين وبنسى اسم المادة اللى ذاكرتها اصلا
ممممم
"هدووووء شق السكون"
عجبنى التعبير ده اووى ...
ندخل في المضمون ... شيكـو
مشوار الالف ميل بدايته خطوه ...
ودي كانت خطوه ... نغلط ونفشل ونحاول تانى
كلها خطوات لغايه ما نوصل ...
بس عارف اقولك على حاجه اذا كنت فهمت انا البوست صح ...
انـا خايفه من نص الطريق الي بدايته الخطوه دي
بجد خايفه منه اوي ... خايفه من حاله الصخب و عدم الاتزان والشغب
عندى حاله خوف وقلق ... من الثوره الي جوه النـاس رغم انها حق مشروع ...
في رأيي
بس مش كل الناس على نفس القدر من الوعي والثقافه الي تخلي ثورتها ايجابيه ...
يا رب اكون فهمت اسقاط البوست صح
...؟
فهمتى صح يا فوكيرة ... وفعلا هى مسئولية تقلق وخاصة انها غير منظمة بالمرة ولكنها لم تكن تمثل الا رمز ... عارفة لما تحسى ان حد متجمع على رأى واحد تحسى ان أمل بجد ... علىالعموم متقلوش ده فشل غيره هينجح ان شاء الله وشكرا على مرورك يا فوكيرة
ممممممممم :)
زى ما قالت فوكيرة
بس يمكن اضيف كمان
ان الحلم مش ممكن يتحول لكابوس ابدا
الحلم حلم
و الكابوس كابوس
الحلم يعنى امل
و كابوس احباط
و الامل و الاحباط متتضادين
و مش ممكن يتقابلوا
لو فيه امل مش ممكن يكون احباط
و اخيرا
تبقى الاحلام و الامانى ممكنة
مادمت حلمتها بتفاصيلها
دوس يا شيكو
و سلام :)
فين جديده يا شيكو ...
احنا حنبطل بدري كده ...
ننتظر جديدك
إرسال تعليق