مجرد سراب

كانت مجرد فرصة

انى اشعر بوجودكم

عارفين ؟

وجودكم مزيف .. بس كنت محتاجه

عارفين كمان ؟

صعب أوى إنك تتعايش مع السراب

والأصعب إنك تمشى معاه لأخر الطريق

ويعتذرلك فى النهاية عن عدم وجوده

حلم واتحقق

جميل اووى انك تحلم والاجمل ان حلمك يتحقق
وتحسك شوفت التفاصيل دى قبل كده

شوفتها فين قبل كده ؟

شوفتها زماااااان
زمااان لما كنت بحلم بيها صغيرة وهادية وشقية
وكأن الدنيا كلها بتنور بضحكتها
وتجرى وتضحك
وتسرح بأفكارها فوق السحاب
وتحلم وتحس انها اتحطت وقتها وسط النجوم

اعرفها ؟

ياااااااه ياما لعبنا مع بعض زمان
لعبنا فى خيال طفل صغير
كنا علطول مع بعض لما كان بيبقى لوحده
يعنى تقريبا علطول
شخصية خيالية رسمها عقل طفل
رسمها زيى ما يكون بيرسم بسمة غابت عنه وقتها
وتعدى افكار وافكار وتفضل الفكرة موجودة
سايبها فى صندوق ذكرياته

نرجع لارض الواقع ؟.

اقدر دلوقتى اقول : انه حلم واتحقق

ملحوظة : محدش يعتقد انى كنت بحلم بالحب بمعناه العاطفى والمنتشر دلوقتى وانا لسه طفل :) التدوينة عن معنى اخوى اكثر سموا من الحب بمراحل