مع انطلاقة وقفزة عالية
مش عالية اوى آد ما هى كانت كفاية
كانت تكفى جدا انى اشعر بالهوا القوى قبل ما المس الارض
عودة للارض تانى من جديد
موج بيخبط فى الشط يهزه ويهزنى
هوا قوى بيطيرنى ومع ذلك مش متضايق
سبته يحركنى زيى المركب الشراعى
البحر فاضى بعد الفطار وكأنه بتاعى
احساس قوى بالارتياح
قطعه صوت صعيدى : بطن الجبل تتحدى الدجل :)
متستغربوش ده احمد ( Cello ) صديق الكفاح
يعنى مش من زمان اوى حسبة 14 سنه من ال 20 اللى املكهم :)
كان معايا وقتها مستمتع بكل لحظة زييى بالظبط
وطبعا لا يخفى عليكم وجود احمد سامى
وطبعا اذا ذكر احمد سامى ذكرت التصرفات الغريبة والنت
بس سيطرنا عليه والحمد لله
وبسرعة كنا عند مساحة من الرملة الناعمة
وعشان خاطرى بلاش حد يسأل الرمل ده جه منين ؟
بدأنا نكتب مسيدجات لكل اللى هيقراها بعدنا
والجميل اننا نسينا اننا كبرنا
وكملنا ضحك ولعب بعقل شاب
وقلب طفل صغير
احيانا فى حياتك بتتصادف بالوقت والمكان الصح بدون ما تخطط لوجودك فى المكان ده ولا فى التوقيت ده ودى مرة من المرات اللى يحصل فيها ده ورغم انى انا وتشيلو فرجنا علينا الشارع عشان يقنعنى اصحى وانزل وانا مكنتش نايم قبلها كويس وهروح الشغل تانى بالليل بس اليوم طلع يخفى اكثر مما كنا نتوقع وعشان كده : تشكر يا عم تشيلو ع اليوم الجامد
هناك ١٠ تعليقات:
والجميل اننا نسينا اننا كبرنا
وكملنا ضحك ولعب بعقل شاب
وقلب طفل صغير
مش هقول غير تحفه
ساعات الواقع بيبقى احلى من الاحلام
و دى بتبقى اوقات بتكون قليله بتحس فيها انك راضى عن الدنيا و عن اللى حواليك
اوقات زى دى بتبقى محفورة فى الذاكرة على طول
يا رب تبقى مبسوط دايما:)
اسلام باشا : تشكر على ردك ومنور المدونة ( حلوة تشكر دى محسسانى بجو المعلمين ) :)
منة : ربنا يخليكى يافندم واكيد مش هنساها ... ومنورة المدونة يافندم :)
ياعم العفو لا شكرا على واجب
ملحوظة
احنا ما بنقلدش حد
ميلودي جالت "ميلودي تتحدى الملل"
وبما إننا قناة عصرية فحنا بنجول
"بطن الجبل تتحدى الدجل" (بالصعيدي)
طيب انا هلبس ولد و اجي معاكو :)))
هع هع هع
بجد يا بختكوا ... هقررر بقي
:) ربنا يسعد ايامكوا كلها مع بعض
تشيلو : ماشى يا عم الجامد :)
اتحدى الدجل براحتك :)
حسناء : انتا تنور يافندم :)
الحاجه الوحيدة اللى كانت ناقصانا هى شوية غسيل ... للاسف مكنش فى غسيل اليوم ده :)
وهى دي احلى حاجه في اليوم
انه مش مترتب ..
فوكيرة : اه بجد كانت نقطة تحول مفاجأة وجودنا على البحر من مود مش مناسب لجو خروج لشوية انطلاق على جنون على زحمة حاجات وده بسطنى اوى ونسانى المود الاولانى وعيشناها بقى :)
إرسال تعليق