النهارده نازل بكل براءة رايح مشوار واتفاجأ ان البلد كلها حمرا طبق الاصل مدرجات النادى الاهلى !!!
.
قولت افتكر ماتش الاهلى والقطن امتى ؟ ممكن يكون النهارده والواحد نسى فى الزحمة؟ ...لا الاهلى ملوش دعوة .. البلد فيها حاجه غريبة وتتحول بورسعيد الخضراء بلد المقاومة الشعبية والنادى المصرى الى اللون الاحمر فجأة كده ..وبعد مكالمة قصيرة مع احد الاصدقاء حكستله فيها فقالى ان الزلانطين فاضل عليه 4 ايام .. ايوة ايوة الزلانطين هما كل سنه بيعملوا كده
.
وطول ما انتا ماشى دباديب حمرا والهدوم حمرا والاحمر منهم البشر اللى واقفة بتشترى.. بجد غريب الدبدوب الاحمر ده !! يعنى هو لازم يبقى احمر ؟ طيب كل الالوان كويسة وحلوة وبنت ناس والاحمر ده شكله مش حلو اصلا .. طلبت باحمر يعنى ؟ ... وطبيعى مش لازم اقول عشان الكل يعرف ان اسعار الباديهات الحمرا اليومين دول غير مسموح فيها بالفصال نهائياً ... وبدافع الفضول دخلت محل من المحلات قولت اعرف الاسعار واخدت رقم رشق فى دماغى ... نعم يا اخويا ؟؟؟ كنت عاوز اطبق فى زمارة رقبته .. الحاجات دى تكاليف انتاجها ميجيبش 1/16 من تمنها اللى اتقالى !! وفى القاهرة الحاجات دى باقل من ربع التمن اللى قالهولى !!!
.
لا واجمد حاجه لما تلاقى شاب خفيف شارى هديتين ...بلاش حسن النية وحد يقولى انها لمراته وحماته :) .. المخطوبين مبيجبوش الكلام ده نظرا لضعف الامكانيات والمتجوزين فى الزلنطين متسمعش البيت غير مارشات عسكرية وقرآن حداداً على اللى راح :)
.
وبعدين اعدى من ادام احدى محلات الهدايا تلاقيه ولا الاتوبيس .. خير اللهم اجعله خير يظهر ان اهل البلد كلهم بيحبوا بعض !! ربنا يوطد علاقتهم كمان وكمان :) وتلاقى البلد تفوح منها كمية برفانات رهيبة اول مرة بلدنا تبقى ريحتها حلوة كده
.
وبعدين انا مش فاكر هما اخترعوه امتى بصراحة العيد ده ؟.. انا لما كنت اسأل احنا لينا كام عيد ؟ كانوا يقولولى عيد الاضحى والفطر و6 اكتوبر وتحرير سينا و 23ديسمبر ... محدش بلغنى بيه ازاى ده ؟ احنا لازم نشتكى ضعف المقرارات :)
.
وعلى النقيض وانا بكمل مسيرتى البائسة وحواجبى مرفوعة فوقى بمترين اشوف واحد ربنا يشفيه يارب قاعد ادام جامع التوفيقى والرد عليه من كل حد يعدى جنبه (ربنا يديك يا حاج ) قولت لا لازم افهم وقفت ابص من بعيد والموقف اتكرر ادامى بتاع 150 مرة ... طيب يا عم انتا وهو ما انتا لسه دافع 60 ولا 70 جنيه فى هدية خليهم 71 ولا يعنى هى بتقفش على الغلبان ؟؟
.
عاوز اقول كلام كتير بس مش عاوزين نعكر صفو الزلانطين السعيد .. مش هقول غير ربنا يستر بجد
.
قولت افتكر ماتش الاهلى والقطن امتى ؟ ممكن يكون النهارده والواحد نسى فى الزحمة؟ ...لا الاهلى ملوش دعوة .. البلد فيها حاجه غريبة وتتحول بورسعيد الخضراء بلد المقاومة الشعبية والنادى المصرى الى اللون الاحمر فجأة كده ..وبعد مكالمة قصيرة مع احد الاصدقاء حكستله فيها فقالى ان الزلانطين فاضل عليه 4 ايام .. ايوة ايوة الزلانطين هما كل سنه بيعملوا كده
.
وطول ما انتا ماشى دباديب حمرا والهدوم حمرا والاحمر منهم البشر اللى واقفة بتشترى.. بجد غريب الدبدوب الاحمر ده !! يعنى هو لازم يبقى احمر ؟ طيب كل الالوان كويسة وحلوة وبنت ناس والاحمر ده شكله مش حلو اصلا .. طلبت باحمر يعنى ؟ ... وطبيعى مش لازم اقول عشان الكل يعرف ان اسعار الباديهات الحمرا اليومين دول غير مسموح فيها بالفصال نهائياً ... وبدافع الفضول دخلت محل من المحلات قولت اعرف الاسعار واخدت رقم رشق فى دماغى ... نعم يا اخويا ؟؟؟ كنت عاوز اطبق فى زمارة رقبته .. الحاجات دى تكاليف انتاجها ميجيبش 1/16 من تمنها اللى اتقالى !! وفى القاهرة الحاجات دى باقل من ربع التمن اللى قالهولى !!!
.
لا واجمد حاجه لما تلاقى شاب خفيف شارى هديتين ...بلاش حسن النية وحد يقولى انها لمراته وحماته :) .. المخطوبين مبيجبوش الكلام ده نظرا لضعف الامكانيات والمتجوزين فى الزلنطين متسمعش البيت غير مارشات عسكرية وقرآن حداداً على اللى راح :)
.
وبعدين اعدى من ادام احدى محلات الهدايا تلاقيه ولا الاتوبيس .. خير اللهم اجعله خير يظهر ان اهل البلد كلهم بيحبوا بعض !! ربنا يوطد علاقتهم كمان وكمان :) وتلاقى البلد تفوح منها كمية برفانات رهيبة اول مرة بلدنا تبقى ريحتها حلوة كده
.
وبعدين انا مش فاكر هما اخترعوه امتى بصراحة العيد ده ؟.. انا لما كنت اسأل احنا لينا كام عيد ؟ كانوا يقولولى عيد الاضحى والفطر و6 اكتوبر وتحرير سينا و 23ديسمبر ... محدش بلغنى بيه ازاى ده ؟ احنا لازم نشتكى ضعف المقرارات :)
.
وعلى النقيض وانا بكمل مسيرتى البائسة وحواجبى مرفوعة فوقى بمترين اشوف واحد ربنا يشفيه يارب قاعد ادام جامع التوفيقى والرد عليه من كل حد يعدى جنبه (ربنا يديك يا حاج ) قولت لا لازم افهم وقفت ابص من بعيد والموقف اتكرر ادامى بتاع 150 مرة ... طيب يا عم انتا وهو ما انتا لسه دافع 60 ولا 70 جنيه فى هدية خليهم 71 ولا يعنى هى بتقفش على الغلبان ؟؟
.
عاوز اقول كلام كتير بس مش عاوزين نعكر صفو الزلانطين السعيد .. مش هقول غير ربنا يستر بجد
هناك ٤ تعليقات:
ملاحظاتك قوية جدا يا شيكو وعموما اصحاب العقول في راحة واهي البلد كلها حمرا زي ما جماهير الاهلي بتقول
تصدق وانا نسيه وعماله اقول ايه كل الهدايا الحمرا دي ..
حلو حلو .. هنتفرج ..(( ايموشن شرير ))
ازيك يا 000
انا زعلانة منك مش بتسأل
لكن ربنا معاك يارب تكون بخير
خد دى عندك ويارب اشوفك
يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير
بسم الله الرحمن الرحيم
انا فعلا لاحظت الملحوسه دى و انا ماشى فى الشارع ان البلد كلها بقت حمرا و الزمالكاويه ماتوا
و اللى اهم من كده بقى انى كنت بفتح التليفزيون الصبح و على حظى كانت اول قناه دريم 1 و برنامج شبابيك
و تلاقى بنت معلقالك ورده حمرا و تقول:
يا جماعه انا النهارده حطه ورده حمرا عشان الزلانطين و طبعا كلنا عارفين ان عيد الحب ده هو عيد الحب المصرى اللى عمله الكاتب اللى انا بموت فيه ((مصطفى امين )) و جتله الفكره لما كان ماشى فى جنازه واحد صاحبه و ملقاش ناس كتيره ماشيه فى الجنازه فزعل و قرر ان يعمل العيد ده عشان كل الناس تحب بعض فيه مش شرط الحبيبه
حسبى الله و نعم الوكيل
:(
إرسال تعليق