رسالة حب وأخوة

ذكريااااات كتير بنعدى بيها فى حياتنا
ذكريات لا تنسى بجد
هنيجيى فى يوم ونبتسم ونقول : يااااه كانت أيام
حبيت اتوقف النهارده عند محطة بجد متميزة فى حياتى
اخويا الكبير محمد جودة
ذكريات كتير عديت بيها معاه رغم انى معرفتوش من زمان
بس من أول يوم عرفته وهو بنفس طيبته وهدوءه

ذكريااااااات

افتكر لما كنا نطلع على البحر والدنيا برد
واحس انى هطير من الهوا وامسك فيه كويس
مهو مش كل الناس اللى بتطير
واخد منه حكمته وجنونه
وحبه الدافى وانطلاقه

ذكرياااااااات

رغم مقدماته الطويله وردوده الهادية
بين قوسين اللى تغيظ احيانا
بس كنت بستمتع بالكلام معاه
واقعد احكى معاه فى كل حاجه
وانسى انى عندى محاضرة الصبح
واسيبه وارجع البيت جرى عشان الحق انام

ذكرياااااااااات

افتكر معاه ضحكة صافية طالعة من القلب
ورسمة فى مرايا افكارى لكل شىء جميل
حاجات كتير حسيتها معاه ومش هنساها

ذكرياااااااااات

حبيت بس اسجل جزء من اللى بيدور جوايا
لشخص بجد مهما اتكلمت مش هوفيه حقه
بجد شكرا لقيتك معايا لما كنت محتاجلك
وربنا يديم علينا تجمعنا فى الخير يارب

لحظة بداية

على البحر والرؤية تقريبا منعدمة ومش شايف غير ظلال بسيطة على ضوء خافت جاى من بعيد مش عارف مصدره ... بس اكيد انا على البحر حاسس بيه حواليا....يمكن ده خلانى اركز اوى مع الصوت .... سامع صوته بيهز حاجات جوايا صوته اللى اتعودت اسمعه وكأنه بيواسينى وساعات بسمعه على انه بيغنى معايا هو هو نفس الصوت بس صداه النهارده مختلف شوية

بدأت عينى تعتاد على الاضاءة الخافتة واشوف بعض التفاصيل ... وبدأت افكر فى الشكل العام للموقف اللى انا فيه ... كان جزء بسيط منه انا شايفه على الضوء الخافت والجزء التانى رسمته فى خيالى

حسيت ان البحر النهارده بيفكرنى بذكرياتى .... حسيت اوى بعناده وهو بيخبط فى الصخور ويرجع يجرب مرة تانية ... حسيت بقوة صوته ... عجبنى اوى قوته وعناد الموج وصبره ... افتكرت ساعتها استغراب الناس عليا زمان وهما بيسألونى انا اخد طبع العناد ده من مين ؟

ابتسمت وبصيت للبحر تانى وركزت مع صوته اللى بيوحى بالهدوء

وعدى عليا فلاشات من حياتى ... افتكرت احلامى الصغيرة واد ايه كانت صعبة وانا صغير وافتكرت كل ابتسامة مشفقة من الاكبر سنا وافتكرت كمان احساسى بعد كل نجاح فكرة من افكارى الصغيرة ..... ساعتها حسيت انى بجد اتعلمت منه كتير

ساعة تقريبا من اجمل ما يمكن فى حياتى حسيت فيها بأجمل معانى فى حياتى وجددت نشاطى وقررت انى ابدأ احاول من جديد مهما كان اللى بيحصل حواليا ومهما خسرت بالتأكيد فى مكاسب لسه فى علم ربنا

حبيت اسجل اللحظة دى كلحظة بداية من جديد ... بداية جديدة لحلم مش جديد

حلمى انى اكون أنا

سكوووووووووت

سكوووووووووت

فجأة لقيت الدنيا كلها بتتكلم

وحاولت اتكلم بس بجد مقدرتش

سكوووووت .... عايز اسكت واتفرج

على قصة ملهاش نهاية

على فيلم كوميدى للأسف مبيضحكش

كتيراوى فكرت اكون بعيد

بس كلما ببعد كل بقرب اكتر

وكل ما اسكت كل ما بتتكلم

وكل ما بتكونوا حواليا كل ما بكون لوحدى

وكل ما بقرب كل ما الحاجز بيكبر

وكل ما بفهم بحس ان الالغاز بتزيد

سكووووووووووووووت

فعلا .... دى اكتر حاجه انا محتاجها دلوقتى

محتاج انى افكر كتير... محتاج اركز فى التفاصيل

عايز كمان اخد سبوت لايت على كل نقطة سودة مش فاهمها

سكووووووووووووووت

قطرة مطر

هاربا من جو المدينة اخرج فى طريقى الطويل

اشعر بقوة الرياح ترتطم بى فتهزنى هزا
اشعر بقوة الطبيعة فأتدثر فى ملابسى وانطلق
ينطلق صوت الرعد وارى البرق يشق السماء
ها قد بدأت الأمطار تهطل بغزارة

ارفع وجهى .... فترتطم مياه المطر بوجهى
اشعر بقوى الطبيعة تنتقل الى ..... تسرى فى عروقى
سيلا من الذكريات يتدفق الى خيالى
اشعر بالحياة تدب فى قلبى مرة اخرى
اسمع صوت المطر الرتيب يرتطم بوجهى
اشم عبير الزهور من حولى اشعر بعبق التاريخ

افقد الشعور بالمكان والزمان
ادس يدى فى جيب معطفى وابتسم
وانطلق فى طريقى ادندن لحنا قديما
واطلق صفيرا متقطعا يقطعه صوت المطر الرتيب
ها هو الرعد يدوى مرة اخرى
اسمع دوى الرعد كصوت لحن يذكرنى بطفولتى
ارى البرق نورا يضىء قبو ذكرياتى
يبدأ جسدى فى الارتعاد بردا فاسرع فى خطواتى

ولكنى لا اعرف لماذا اسرع والى اين اذهب !!!!!!

اعود لابحر فى بحر ذكرياتى فارى طفلا يجرى تحت المطر
يريد الامساك بكل قطرة مطر قبل ان تصل الى الارض
تهوى قطرات المطر متتابعة فيجلس منهكا
بعد أن أدرك ان حلمه اكبر منه
يرفع وجهه للسماء فيرتطم المطر بوجهه
فينهض محاولا مرة ثانية وثالثة ...... ويستمر الحلم

اعود الى ارض الواقع على صوت سيارة مسرعة تمر بجوارى
فاعاود الابتسام وانظر الى الامام واستمر فى التقدم
امد يداى الى الامام لترتطم بهما قطرات المطر المسرعة
وارى قطرات المطر ترتطم بيدى فتنكسر
وتعاود الارتطام مرة اخرى

وتستمر الحياة ....... كقطرة مطر